तीन सहरको सांगीतिक यात्रामा नेपथ्य

कलाखवर संम्वादाता,पौष २५- स्थापनाको रजतमहोत्सव मनाउँदै गरेको नेपथ्यले अब यसै अवसरमा मुलुकका तीन सहरको सांगीतिक यात्रा गर्ने भएको छ । केहि समयअघि मात्र काठमाडौं, पोखरा र बुटवलका दर्शकहरु सामु प्रस्तुत भएको ब्याण्डले आफ्नो २५ औं वर्ष मुलुकका अन्य भागका संगीत प्रेमीसँग मनाउने भएको छ ।

यसै क्रममा पुस २८ गते झापाको दमकबाट सुरु हुने यो यात्रा माघ १ गते नारायणघाट हुँदै माघ ४ गते भैरहवा पुगेर सकिनेछ । मुलुकको पूर्वी, मध्य र पश्चिम भागको प्रतिनिधित्व गर्ने यी सहरहरुको यात्राका लागि ब्याण्डले नयाँ पुराना गीतहरुको अभ्यास सुरु गरिसकेको छ ।

यात्रा अन्तर्गत पहिलो शो दमकको सरस्वती निम्नमाध्यमिक विद्यालयमा आयोजना हुनेछ । त्यहाँस्थित ‘थ्रीइन्कभिजन’, जय मिडिया र पुर्वाञ्चल रक्स ले आयोजना गर्ने कार्यक्रम बेलुकी साढे पाँच बजेदेखि सुरु हुनेछ ।झापामा पहिलो शो सम्पन्न भएपछि नेपथ्य टोली नारायणघाट तर्फ लाग्नेछ ।

माघे संक्रान्तिकादिन नारायणी नदीको किनारमै बेलुकी छ बजे नेपथ्य कन्सर्ट सुरु हुनेछ । त्यहाँस्थित ‘दाताजइभेन्ट म्यानेजमेन्ट’ले आयोजनाको जिम्मालिएको छ। यसअघि पनि दुइ वर्ष पहिले नेपथ्यले नदीको किनारमै भव्य कन्सर्ट आयोजना गरेको थियो ।यसरी नारायणीको बलौटे किनारमा नेपाली लोक रक सुनाएपछि ब्याण्डको अर्को प्रस्तुती भैरहवामा हुनेछ।
त्यहाँ स्थित पक्लिहवा हाइस्कुलमा बिहीबार बेलुकी छ बजेदेखि नेपथ्य प्रस्तुती दिने छ ।

  • New title for a=>html, img=>alt
  • New title for a=>html, img=>alt
  • New title for a=>html, img=>alt
  • New title for a=>html, img=>alt
  • © 2017 Kalakhabar. All Rights Reserved...