नेपाली चलचित्र जगतका महानायक राजेश हमाल अब चलचित्र निर्देशनको तयारीमा
छिरिङ शेर्पा , काठमाडौं। नेपाली चलचित्र जगतका महानायक राजेश हमालले अब चलचित्र निर्देशन गर्ने भएका छन्।
बिराटनगरमा आयोजित पत्रकार सम्मेलनमा उनले यस्तो घोषणा गरेका हुन् ।
चलचित्रमा अहिले नायकको भूमिकामा अभिनय गर्दै आएका हमाल अब भने निर्देशन तर्फ अगि बढेका छन् ।
आफु चलचित्र निर्देशनको तयारीमा लागेको र आफुले निर्देशन गरेको चलचित्र दर्शकले छिट्टै हेर्न पाउने उनले बताए ।
अहिले चलचित्रको बिषय बस्तु बारेमा अध्ययन भैरहेको र आफुले नेपाली मौलिकता बोकेको चलचित्र निर्माण गर्ने जानकारी दिए ।
नेपाली चलचित्रको स्तरमा पछिल्लो समयमा सुधार भएको उनको भनाइ थियो ।